Muallim Naci Şiirleri-Dicle
Vatanımdan tebâüd etmiş idim
Sorma ammâ nasıl tebâüd ediş
Sonra Bağdad’a doğru gitmiş idim
Unutulmaz o âşıkâne gidiş
Eşk-i hasret eser-nümâ-yı hurûş
Ser hevâ-dâr, sine gam-perver
Dil hayâl-i vatanda, leb hâmûş
Yine ammâ kalem nağam-perver
Bâdın ol suya uğradıkça rehi
Kesilir sath-ı Dicle mahşer-i mevc
Sedd-i râh olmak İstedikçe gehî
Cenk eder senklerle leşker-i mevc
Cûşa başlar görünce seyl-i dilim
Lâübâlî revişli enhârı
Akar enhâra mâ’-i meyl-i dilim
Severim ser-hoşâne reftârı
Bir gelir, şöyle bir lâtif döner
Gidemez hep bir istikâmette
Her dönüş arz eder cihân-ı diğer
Her cihân başka bir letâfette
Nedir ey cûy-ı hoş-reviş, bu şitâb
Acebâ Basra Körfezi’nde ne var
Durma, git git ki etti Hâlik-i âb
Bahri nehr-i revâna cây-ı karâr
Ben de bir başka cüy-i cûşânım
Nice vâdiden eyledim cereyân
Firkat-i bahr ile hurûşânım
Bende senden ziyâdedir feyezân
Feyezânın tezâyüd ettikçe
Tuna cûş eyliyor hayâlimde
Tunalaştın gözümde gittikçe
………………………………………….
Âh-ı memdûdum oldu hem-râhın
Ya tabiî değil mi âh edişi
Anı yâd eyleyen dil-âgâhın
Acebâ hangi asrın âsârı
Ne bu vîrâneler sevâhilde
Oldu nakşı hayâlime sâri
Kaldı yer yer harâbeler dilde
Olsa kâşâneler kenârında
Tâzelense ümîd-i istikbâl
Olsa ma’mûreler civârında
Ne güzel ârzû, ne tatlı hayâl!
Muallim Naci Şiirlerinden Örnekler
Firkat
Gutenberg
Napolyon Bonapart
Dicle
Selîmiyye
Görün
Kebûter
Gazel
Münâcât
Bahâr – ı Şebâb
Hatif — Şâir
Şâm-ı Garibân
Kuzu
Meyhânede Bir Söyleniş
Na’t-ı Şerif
Köylü Kızların Şarkısı
